This poem is for those mother who have lost their new born baby..A mother's love is always with her children...Mother hold their children's hand for a while but their heart forever....Losing a child is one of the biggest sorrow....

Meri duniya me ab roshni ayegi
khilkhilati meri nanhi si jaan
sabke dilon me raaj karegi.......
Chalo sabko mithayi batein
dher sare khilone latein.......
Chote chote kadam ab padengi
charon taraf kilkari goonjengi.......
Karni hai bahut sari tayariyan
na rahe kahin koi kamiyan........
Woh chota sa jhula uska
hai phoolon se saja hua........
Meri ungliyan woh pakdegi
maa maa bulake pareshan karegi.......
Socha tha kuch aisa maine
adhure reh gaye sare sapne........


Jane kya khel tha ussdin takdir ka
mere jigar ka tukda apne maa ko chhod
ab bahut dur hai ja chuka........
Meri bahadur bachi thi woh
ladhi hai puri ji jaan se woh.......
Woh sayad sabse khaas thi
tabhi sabki woh ladli thi.......

Chua maine jab akhri baar usse
aankhon me aansun aur dil me pathar liye
tu hai mera bahadur bacha
aur rahega hamesa
yeh kaha gale lagake usse.......



Maa hoon main
aur maa ka dard na koi samajh sake
na hi koi samajh paye........
Meri duniya ki roshni ab bujh chuki
khilkhilati meri nanhi pari
ab hamesa ke liye so chuki.........

This poem is about acid attack victims who are very strong and who inspire us and the society...We should love ourself no matter what...

Tod do aeene ko ab

nahi dekhna mujhe yeh sab.....
Dur rehte hain sab mujhse
darne lage hain ish chehre se.....
Insaaf chahiye mujhe
nafrat karti hoon ab khudse.....

Shant ho ja
khudko bahut samjhaya
himat mat harna
yeh maa ne sikhaya.....
Datt ke khade hona hai
aege chalte rehna hai
mudke piche nahi dekhna hai.....

Girte padte ab aege badh rahi
kisi aur ka pyar nahi
khudse pyar karna sikh rahi.....
Ab ush aeene ko mat todo
khudko pyar karna sikhlo.....

Mere jaisi hazaron hain
Kehna unse bas yahin hai
tutna mat kabhi
galti nahi hai tumhari......
Bigda hai chehra tumhara
mehfus toh hai dil me
sapna tumhara......
Ush sapne k piche daud
usse pane ki zid pakad.....
Mayush mat hona kabhi
saath ladhenge milke sabhi......

Ab baat karte hain meri
Ush aeene se ab pyar karti hoon
khudko dekhke muskura leti hoon........

This is a Poem about women who are tortured in this male dominating world and even lost their valuable life. They are now taken care by God and are expressing their feelings.......

Yahin hai ab meri duniya                                      
Jahan hoti hai bas pyar ki galliyan.....
Nibhate hain log yahan wadein
hoti hai kuch anokhen rashmein....
Jhoot ka nahi hai yahan koi jagah
dilon me sabke
bas pyar hi pyar hai basah....
hain yahan charon taraf wadiyan hi wadiyan
aur hai khusbooyen aur phoolon ki khaliyan....
Betiyon ko poojte hain yahan
itna izzat batao milta hai kahan....
 
      Nahi jana mujhe asmaan ke ushpar
      jahan aurton ko izzat nahi                                            
      hoti hai sirf atyachar....
      Phir bhi hain kuch mere jaisi
      jo hamesha ser uthaye hai ladhti....
     Main bhi ladhi
     akhri saans tak awaz uthayi....
     Par bemani ka zamana hai
     koi kisika kahan sunnta hai
     yahan toh bas paisa hi bolta hai....

Bas bulaya ush raat khuda ne

apni sunheri duniya dikhane....
ab yahin hai meri duniya
jahan hoti hai bas pyar ki galliyan....